Jason Law

大家好，我係 WhatsTeam 創辦人。多謝大家嚟睇。 講下點解會做呢個產品。 之前公司有個 top sales，做咗幾個月，一半客都喺佢手上。後尾發現佢自己開咗間一模一樣嘅公司，客戶全部帶走。最狠係走之前，將部公司電話入面嘅 WhatsApp 刪清光。 幾年嘅報價、跟進、成交紀錄。 一晚，冇晒。 嗰陣先發現一個好荒謬嘅事實：全公司最值錢嘅資產，客戶關係，原來一直喺一部我哋控制唔到嘅電話入面。就算部電話係公司出，WhatsApp 一刪，乜都追唔返。 其實我哋唔係冇用過工具。SleekFlow、Wati 呢類統一公司號碼嘅系統都用過，做客服係 OK 嘅：一個官方號碼，個個同事齊齊覆。但嗰類工具本身就係為客服場景而設，唔係為 sales 而設。Sales 嘅世界係另一回事。客係跟人，唔係跟號碼。個 sales 同客傾開嗰個號碼先有信任，你叫個客轉去一個冷冰冰嘅熱線繼續傾單？冇可能。結果 sales 照舊用自己個 WhatsApp Business，公司照舊乜都睇唔到。 所以做咗 WhatsTeam。 唔係要 sales 轉號碼，而係將佢哋而家用緊嘅 WhatsApp Business，scan 個 QR code 直接接入公司系統。客嗰邊完全冇感覺，但所有對話即刻自動備份到公司後台。每個查詢有負責人、有紀錄、有交接。 人走，客留。 而家開放試用。如果你公司都係靠 sales 用 WhatsApp 傾單，或者試過類似嘅事，留言講下你哋而家點做，我逐個覆。有任何問題都歡迎問，我全日都會喺度。