Little Candidate

我係一個喺銀行做back office 嘅爸爸👨🏻‍💻 平時做野有流程，有規律，有方向去跟 但係今年幫自己個讀緊K2嘅小朋友準備小一面試，先發現呢個世界好大🥲 中英數都還好，有課程指引 個仔去到咩程度都大概可以判斷得到，邊方面弱就重點溫習邊part 但係小一面試除咗中英數學術仲有1/4係考常識同埋對答 常識，係一個無限大嘅topic🤯 小至你平時搭咩車返學，大至宇宙入面嘅太陽月亮都有機會問得到 為此，我同身邊嘅老師朋友將小一面試常見嘅常識問題有系統咁整理成100關遊戲🎮 除咗畀小朋友透過選擇題學習常識之外，仲可以用錄音方式訓練佢哋講完整句子嘅能力，之後由AI分析佢哋嘅答案再畀改善嘅建議。 面試班一星期得一個鐘，希望我地幫到小朋友每日都可以輕鬆遊戲中練習表達自己，講完整句子。